gräif an
d’Klischees-
Këscht!
Stereotyppen a Virurteeler sinn Deel vun eisem kulturelle Patrimoine.
Si gehéiere grad esou zu eiser Kultur an eisem Ëmgang mat anere Leit wéi Normen a Gewunnechten.
Domat definéiere si zum Deel och, wéi mir mat anere Leit ëmginn.
Kanns du erroden, wéi engem Grupp vu Leit dës Stereotyppen zougeschriwwe ginn, wou se hierkommen a wat un dëse Stereotyppen net stëmmt?
Yoga-Prof
Als Yoga-Proff hunn ech nach keng Gender–Virurteeler erlieft. D’Schülerinnen, d’Schüler an d’Enseignantë ginn ëmmer ganz fein a respektvoll mateneen ëm.
Pilotin
Ech hat eemol de Fall, dass e Passagéier nees eraus geklommen an net mei zeréck komm ass, nodeems hie gesinn huet, dass zwou Frae am Cockpit sëtzen fir de Fliger ze steieren. Esou war säin Ticket fort an hien ass eben net mat eis an d’Vakanz geflunn.
Zammerfra
E Framënsch huet näischt um Bau verluer.
Um Bau kriss de vum Chef gewisen, wéi ee richteg hieft an een déi richteg Muskelen opbaut, ouni dass een sech ze vill wei deet.
Play the video Start Quiz
Fierschtesch
Eng Fra kann net dreckeg ginn.
E Klischee deen ech nawell dacks ze héiere kréien ass, datt eng Fra net kann dreckeg ginn. Ech ginn awer ganz oft dreckeg an ech ka ganz gutt domadder liewen.
Play the video Start Quiz
Maquilleur
Déi meescht Leit mengen, dass ech als Maquilleur oder Maskebildner d’Leit ëmmer nëmme schéi maachen. Dat stëmmt awer net, ech maachen se méi dacks ellen ewéi schéin.
Assistant social
Als Mann bass du méi resistent géigeniwwer de schwierege familiäre Situatiounen! E Mann ass jo net esou no um Waasser gebaut!
Schoulmeeschter C1
Am Ufank vu menger Karriär hunn ech mech a menger Gemeng op e Posten an der éducation précoce gemellt.
Et war déi éischte Kéier, dass dëse Cycle an der Gemeng ugebuede gouf. Den deemolege Buergermeeschter sot, hie wéilt keng zwee Experimenter – de Precoce AN e Spillschouls-Schoulmeeschter – matenee maachen
Precoce AN e Mann am Precoce, dat sinn zwee Experimenter ze vill, mee wéi dir gesitt, sinn ech haut Spillschouls-Schoulmeeschter.
Play the video Start Quiz
Steward
D’Leit gesinn eis dacks nëmmen als Serveur, mee eise Beruff ass méi ewéi dat. Mir sinn do fir d’Sécherheet vun de Passagéier an am Fall vun engem Noutfall, fir eng Evakuéierung ze assuréieren.
Mir sinn och do fir d’Sécherheet u Bord ze garantéieren an net nëmme fir Gedrénks an e Bréitchen ze zerwéieren.
Play the video Start Quiz
Zänndokter-Assistent
Ech hu mir scho vill Klischeeë missen unhéieren. Och zum Beispill, dass d’Patiente mengen, ech wier am Stage fir dono e richtegen Zänndokter ze ginn.
D’Leit kënne sech guer net virstellen, dass et och männlech Assistente beim Zänndokter kënne ginn.
Play the video Start Quiz
Ernährungsberoder
Wann en neie Patient urifft, fir e Rendez-vous ze huelen, sinn d‘Leit dachs ganz erstaunt, dass net eng Fra ophieft. Am Ufank fënnt ee sou eppes e bësse witzeg. Mat der Zäit geet dat engem dann awer e bëssen op d’Nerven. Et spillt nämlech guer keng Roll, fir d’Behandlung vum Patient, ob ech elo eng Fra oder e Mann sinn.
Leit mengen oft ech wär eng Fra, mee och e Mann kann Ernährungsberoder ginn.
Play the video Start Quiz
Wënzerin
Wann ech mat der Camionnette vum Betrib fueren, da muss ech als Fra dacks beweisen, dass ech dat iwwerhaapt kann an et gëtt quasi vu mir verlaangt, dass ech eng Probefaart maachen. D’Männer mussen dat natierlech net beweisen.
Ech muss hinnen ëmmer beweisen dass ech eng Camionnette ka fueren, ech ka ganz gutt Auto fueren, och wann dat näischt mat mengem Beruff ze dinn huet.
Play the video Start Quiz
Zammerfra
Ech sinn net immens grouss a weien nëmme 50 Kilo. Ausserdeem sinn ech blond a sensibel…
Trotzdeem sinn ech ënnerlech esou staark, datt ech bis elo kee Problem hat fir mat de Männer matzehalen.
Play the video Start Quiz
Musekerin
An enger Band ass d’Fra an de Kapp vun de Leit ëmmer d’Sängerin, an ob kee Fall zum Beispill eng Rapperin, eng Bassistin oder och nach eng Perkussionistin.
Forstingenieurin
Engt jonkt Framënsch huet mir näischt iwwert d’Juegd ze soen!
Zum engen hunn ech dat Thema vill Joren op der Uni studéiert, an zum aneren hunn ech mäi ganz Liewen domadder verbruecht dat aktiv ze liewen.
Play the video Start Quiz
Autosmecanicienne
Anscheinend zéien ech de Männer d’Schrauwen um Auto net fest genuch un. Dacks mengen si esouguer, dass si dono nach mussen nokontrolléiere goen.
Mee dat ass awer net wouer, well ech kann dat genau esou gutt festzéien wéi e Mann.
Play the video Start Quiz
Florist
E richtege Klischee hunn ech nach net erlieft. Wann awer eppes Schwéieres muss opgehuewe ginn, gëtt éischter e Mann gefrot ewéi eng Fra. Dovunner fillt sech awer keen diskriminéiert.
Mee ech sinn net domaader averstanen.
Play the video Start Quiz
Metzlesch
Ech hu kee Klischee, dee mir afält an ech muss soen, datt ech mech bis elo ëmmer wuel als Fra a mengem Beruff gespuert hunn.
Steemetzesch
Geet dat, als Fra esou schwéier ze schaffen?
Eng Fra kann och schwéier schaffen! Ech si grad an enger Léier, fir Maurer ze ginn.
Als Fra kann een och schwéier schaffe well et kritt ee gewise, wéi ee schwéier Saachen soll hiewe a well ee mat der Zäit déi néideg Muskelen opbaut déi een an dësem Beruff brauch.
